Innflytjendur halda uppi íbúafjölguninni

Það sem af er öldinni er aðflutningur erlendra ríkisborgara að baki nærri helmingi íbúafjölgunar á Íslandi.

Hefur landsmönnum fjölgað um 50 þúsund á öldinni og eru aðfluttir erlendir ríkisborgarar umfram brottflutta 22.690 á tímabilinu, að því er fram kemur í umfjöllun um íbúaþróunina á öldinni í Morgunblaðinu í dag.

Landsmönnum fjölgar að meðaltali um 3.333 íbúa á ári á þessari öld. Á tímabilinu hafa að meðaltali rúmlega 700 fleiri íslenskir ríkisborgarar flutt frá landinu á ári en til þess. Þessu er öfugt farið hjá erlendum ríkisborgurum. Þar eru aðfluttir umfram brottflutta ríflega 1.500 á ári.