Þórey skipuð formaður Ferðamálaráðs
Setja bókamerki
Ragnheiður Elín Árnadóttir, iðnaðar- og viðskiptaráðherra, hefur skipað nýtt ferðamálaráð til fjögurra ára.
Formaður ráðsins er Þórey Vilhjálmsdóttir og varaformaður Páll Marvin Jónsson. Þau eru skipuð án tilnefningar, segir í tilkynningu á vef ráðuneyisins.
Þórey er fyrrverandi aðstoðarmaður innanríkisráðherra, Hönnu Birnu Kristjánsdóttur. „Hún hefur áralanga reynslu af fyrirtækjarekstri, stjórnun og stefnumótun. Þórey er með BS gráðu í viðskiptafræði frá Háskóla Íslands með áherslu á alþjóðaviðskipti og MBA frá Háskólanum í Reykjavík. Þá stundaði hún auk þess nám við markaðs- og útflutningsfræði við Endurmenntunardeild Háskóla Íslands.
Páll Marvin er formaður Ferðamálasamtaka Vestmannaeyja og framkvæmdastjóri Þekkingarseturs Vestmannaeyja,“ segir í tilkynningu frá iðnaðar- og viðskiptaráðherra.
Aðrir í ferðamálaráði eru: Halldór Benjamín Þorbergsson, Ingibjörg Guðjónsdóttir og Þórir Garðarsson, tilnefnd af Samtökum ferðaþjónustunnar. Aldís Hafsteinsdóttir og Hjálmar Sveinsson, tilnefnd af Sambandi íslenskra sveitarfélaga. Ásbjörn Björgvinsson og Díana Mjöll Sveinsdóttir, tilnefnd af Ferðamálasamtökum Íslands og Jón Ásbergsson, tilnefndur af Íslandsstofu.
Segir óábyrgt að skipta út öllu bankaráðinu
Aukin tíðni þungunarrofa hjá yngsta aldurshópnum
Mikil skjálftavirkni á landinu áhyggjuefni
Kvikan virðist nú skiptast til helminga
Innviðir þandir og álagið „gríðarlegt“
Benda á Samgöngustofu sem bendir út í heim
Markaðurinn hitnar og leiguverð hækkar hratt