Hálka og skafrenningur er á Hellisheiði og Sandskeiði en hálkublettir í Þrengslum og hálka á Lyngdalsheiði. Á Suðurlandi er víða nokkur hálka eða hálkublettir.
Á Vesturlandi er mikið autt á láglendi eða aðeins með hálkublettum en hálka er hins vegar á flestum fjallvegum. Óveður er undir Hafnarfjalli. Þæfingsfærð er á Bröttubrekku.
Hálka eða þæfingsfærð er á flestum leiðum á Vestfjörðum en ófært á Steingrímsfjarðarheiði, Þröskuldum og Klettshálsi. Þæfingsfærð og skafrenningur er á Gemlufallsheiði.
Á Norðurlandi eru hálkublettir eða snjóþekja, þó er þæfingsfærð á Hólasandi, Brekknaheiði og á Möðrudalsöræfum. Hálka og skafrenningur er á Vatnsskarði og Öxnadalsheiði.
Á Austurlandi er víðast nokkur hálka eða snjóþekja. Snjóþekja er á Fagradal en hálka og skafrenningur á Oddsskarði og hálka og éljagangur á Fjarðarheiði.
Með suðausturströndinni er að mestu greiðfært frá Hvalnesi að Öræfum en annars hálka eða hálkublettir og sumstaðar éljagangur.