Fjöldi íslenskra presta starfar nú í Noregi á vegum norsku þjóðkirkjunnar.
Séra Þorvaldur Víðisson biskupsritari segir íslensku þjóðkirkjuna ekki halda nákvæma skrá yfir Íslendinga sem þjóna erlendis, nema þá sem starfa fyrir íslensku þjóðkirkjuna.
„Á vegum íslensku kirkjunnar er eitt og hálft starfsgildi í Noregi sem þjónar þeim 10 þúsund Íslendingum sem búa og starfa í Noregi. Við vitum hins vegar að það starfa yfir tuttugu íslenskir prestar á vegum norsku þjóðkirkjunnar í Noregi.“