„Þetta er alveg fráleit útlegging á því sem ég sagði í þættinum,“ segir Árni Páll Árnason, formaður Samfylkingarinnar, í samtali við mbl.is vegna fréttar á vefsíðu sjónvarpsstöðvarinnar Hringbrautar þess efnis að hann hafi sagt í viðtali á stöðinni að hann hefði efasemdir um Evrópusambandið og evruna og að sjálfsagt væri að skoða aðra kosti sem gætu tryggt lífskjör þjóðarinnar.

„Ég var spurður út í þessa afstöðu og svaraði því til að ég hefði árum saman tamið mér það að næra með mér efasemdir um Evrópusambandið og hvort aðild að því væri réttur kostur. Ég hefði reglulega endurmetið það en alltaf komist að þeirri niðurstöðu að þetta væri besti kosturinn fyrir Ísland og það er enn mín afstaða. Hún er alveg óbreytt. Ástæðan er sú að þetta er ekkert trúaratriði heldur snýst málið um mat á íslenskum hagsmunum í ljósi þróunar í útlöndum. Bæði geta hagsmunir Íslands breyst og eins getur þróun mála erlendis tekið breytingum. Þess vegna skiptir máli að hafa þesi mál alltaf til stöðugs endurmats,“ segir Árni Páll.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 3 blogg um fréttina

Bloggað um fréttina

• Ómar Ragnarsson: Hvernig væri að birta og lesa orð Árna Páls?
• G. Tómas Gunnarsson: Ódýr auglýsing sjónvarpsstöðvar?
• Páll Vilhjálmsson: Árni Páll skiptir um skoðun í hádeginu