Þingmenn úr röðum stjórnarandstöðunnar gagnrýndu harðlega við upphaf þingfundar á Alþingi í dag að Einar K. Guðfinnsson, forseti þingsins, hafi ekki orðið við ósk um þingfund á föstudaginn um þá ákvörðun ríkisstjórnarinnar að óska eftir því við Evrópusambandið að Íslandi yrði ekki lengur á lista sambandsins yfir umsóknarríki.

Helgi Hjörvar, þingflokksformaður Samfylkingarinnar, sakaði ríkisstjórnina um aðför að Alþingi og sagðist harma að forseti þingsins hafi ekki orðið við ósk um þingfund fyrir helgi. Sagði hann óljóst miðað við orðræðu forystumanna stjórnarliða hvort um meiriháttar ákvörðun hafi verið að ræða eða ekki. Róbert Marshall, þingflokksformaður Bjartrar framtíðar, sagði að um meiriháttar stjórnskipunarkrísu væri að ræða.

Þingmennirnir lýstu hins vegar ánægju sinni með að forseti Alþingis hafi breytt dagskrá þingsins í dag þannig að ræða mætti um ákvörðun ríkisstjórnarinnar.

mbl.is/Ómar Óskarsson

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt