Miklar skemmdir í eldsvoða

Miklar skemmdir urðu á garðyrkjustöðinni Brúnalaug í Eyjafirði í eldsvoða í nótt, að sögn lögreglunnar á Akureyri.

Lögregla og slökkvilið á Akureyri voru kölluð út um tvö leytið í nótt vegna elds í garðyrkjustöðinni. Greiðlega gekk að slökkva eldinn en ljóst að tjónið er mjög mikið. Ekki liggur fyrir hvers vegna kviknaði í en vitað hvar eldurinn byrjaði, að sögn lögreglu. 

Hversu mikið tjónið er kemur ekki í ljós fyrr en síðar í dag þegar fer að birta en mjög miklar skemmdir urðu á gróðurhúsum.

Samkvæmt upplýsingum frá slökkviliði Akureyrar voru slökkviliðsmenn á frívakt boðaðir auk þess sem aðstoð fékkst frá slökkviliðið Akureyrarflugvallar. Einnig var óskað eftir aðstoð Dalbjargar við verðmætabjörgun að slökkvistarfi loknu en ljóst er að eignatjón er umtalsvert.

• Blogga um frétt