Spáin reyndist nærri lagi

Árið 2001 spáði Vilhjálmur Bjarnason, þingmaður og þáverandi sérfræðingur hjá Þjóðhagsstofnun, því að hingað til lands myndi koma um ein milljón ferðamanna árið 2016.

Kom þetta fram í erindi sem hann flutti á aðalfundi Samtaka ferðaþjónustunnar (SAF) en talan fékkst m.a. með því að framreikna þá fjölgun sem varð á ferðamönnum milli áranna 1990 og 2000, að því er fram kemur í Morgunblaðinu í dag.

Þegar Vilhjálmur setti fram spá sína, árið 2001, var fjöldi ferðamanna 296.000. Sjö árum síðar var talan komin yfir 500.000 og í fyrra voru ferðamenn rúmlega 997.000. Er því nú spáð að um 1,2 milljónir ferðamanna sæki landið heim í ár.