Samningamenn Rafiðnaðarsambands Íslands og Samtaka atvinnulífsins funda enn hjá Ríkissáttasemjara. Samtök atvinnulífsins hafa samningsumboð fyrir hönd RÚV og hefur Rafiðnaðarsambandið farið fram á að sérkjarasamningur verði gerður við tæknimennina. SA hefur neitað þeirri kröfu og kærði verkfallsboðunina.
Nýtt samningstilboð kom frá RÚV í dag en það snýr að því að hluti samnings verði sérstaklega við RÚV. Samninganefnd Rafiðnaðarsambandsins hyggst fara yfir tilboðið í dag og á morgun. Nýr fundur hefur verið boðaður í deilunni kl. 10 á föstudagsmorgun.