Upptaka nýrra lyfja of hæg

„Maður er að sjálfsögðu ekki ánægður ef ekki er hægt að nota þau lyf sem maður vill bjóða upp á.“

Þetta segir Gunnar Bjarni Ragnarsson, yfirlæknir lyflækninga krabbameina á Landspítalanum, í Morgunblaðinu í dag. „En það má ekki gleyma því að það hafa orðið framfarir og lyf sem við bjóðum upp á nú þegar eru í samræmi við það sem notast er við annars staðar.

Það er ekki svo að við séum að bjóða upp á úreltar meðferðir og meðferðarárangur er almennt mjög góður en við vildum gjarnan geta boðið fyrr upp á fleiri ný lyf. Í ákveðnum tilvikum myndi það fjölga möguleikum í meðferð ef við hefðum aðgang að þessum lyfjum,“ bætir Gunnar Bjarni við.