Þórólfur Árnason, forstjóri Samgöngustofu, er undrandi á því hvernig frumvarp til breytinga á umferðarlögum hafi farið í meðförum þingsins.
Viðbætur við lögin taka gildi í dag og ná til léttra bifhjóla. Samkvæmt þeim mega allt niður í 13 ára börn aka léttum bifhjólum á öllum vegum.
Varúðarsjónarmiðunum sem sérfræðingar Samgöngustofu lögðu til var sleppt, að því er fram kemur í fréttaskýringu um þetta mál í Morgunblaðinu í dag.