Lokað hefur verið um Siglufjarðarveg síðan í morgun eftir að snjóflóð féll úr Miðstrandargili en Helgi Mar Friðriksson, svæðisstjóri hjá Vegagerðinni, segir að unnið sé að því að ryðja snjóinn af veginum.
„Við erum að ryðja okkur í gegn núna með tækjum og snjóflóðaathugunarmanni og eftirliti frá Vegagerðinni. Þetta er að hafast,“ segir Helgi. Hann segir að vegurinn verði opnaður á ný innan skamms og vill beina því til eigenda bíla sem geymdir voru í Strákagöngum að þeir hugi að bílunum.