Fjórir erlendir göngumenn, sem óskuðu aðstoðar á Kili í morgun, eru nú komnir í bíl björgunarsveitarinnar Blöndu á Blönduósi. Samkvæmt tilkynningu frá Slysavarnarfélaginu Landsbjörgu reyndust mennirnir ekki staddir á þeim stað er þeir gáfu upp en höfðu haldið sig við veginn og óku björgunarmenn því fram á þá rétt í þessu.
Voru þeir allir við ágæta heilsu og mun sveitin flytja þá til byggða.
Eins og fram kom í frétt mbl.is í morgun lögðu mennirnir upp hjá Blönduvirkjun í gær og hugðust ganga yfir Kjöl. Í morgun óskuðu þeir eftir aðstoð þar sem þeir voru orðnir uppgefnir og treystu sér ekki lengra.
Fyrri frétt mbl.is: