Ófært á Fróðárheiði

Hálkublettir eru á Sandskeiði og Hellisheiði samkvæmt upplýsingum frá Vegagerðinni. Nokkur hálka eða hálkublettir eru á Suðurlandi, einkum á útvegum.

Vestanlands er víða hálka eða hálkublettir á vegum. Ófært er á Fróðárheiði en verið er að moka. Hálka er víða á Vestfjörðum. Snjóþekja er á Steingrímsfjarðarheiði en snjóþekja og skafrenningur á Þröskuldum. Þæfingsfærð og skafrenningur er á Klettshálsi.

Norðanlands er hálka, hálkublettir og snjóþekja. Það éljar og snjóar við norðausturströndina. Á Austurlandi er hálka eða hálkublettir á vegum. Snjóþekja, hálkublettir og éljagangur eru með suðausturströndinni en þæfingsfærð og éljagangur við Kvísker í Öræfasveit.

• Blogga um frétt