Engin bílastæði við Fossvogssundlaug?

Kópavogsbær og Reykjavíkurborg hafa ákveðið að gera sameiginlegt deiliskipulag fyrir Fossvogsdalinn og gera þar saman sundlaug. Einn af þremur stöðum sem eru til skoðunar fyrir laugina er í miðjum dalnum, en þar er ekki gert ráð fyrir bílastæðum. Talið er að laugin gæti þjónað skólasundi á daginn og almenningi eftir lok skóladags.

Við gerð deiliskipulagsins verða m.a. skoðaðar leiðir til að draga úr neikvæðum sjónrænum áhrifum sundlaugarinnar, en komið hefur fram í vinnu sveitarfélaganna að boðið yrði upp á þá möguleika að gestir komi gangandi eða hjólandi og að ekki yrði gert ráð fyrir bílastæðum.

Við deiliskipulagsvinnuna verður einnig fjallað um stækkun á lóð Knattspyrnufélagsins Víkings.