Félagsmenn í Bandalagi háskólamanna eru boðaðir til fundar í Rúgbrauðsgerðinni kl. 12 í dag vegna „alvarlegrar stöðu í kjaradeilunni“. Þetta segir Páll Halldórsson, formaður BHM. Samninganefnd ríkisins „hafi ekkert lagt fram á fundi hjá ríkissáttasemjara í gær, þrátt fyrir að um annað hafi verið rætt“. „Þetta er grafalvarlegt í þeirri stöðu þegar við erum í verkfalli sem hefur víða áhrif í samfélaginu og miklu skiptir að sé leyst.“
Undanþága var veitt til að félagsmenn BHM hjá Fjársýslu ríkisins gætu afgreitt barnabætur. Undanþága til að dýralæknar gætu vottað slátrun var ekki veitt.