Ríkissáttasemjari boðaði fulltrúa Starfsgreinasambandsins (SGS) og Samtaka atvinnulífsins (SA) á fund sem stóð frá klukkan 10.00 til 12.00 í morgun. Það var fyrsti fundur þeirra eftir að félagar í SGS samþykktu verkfallsboðun í atkvæðagreiðslu sem lauk á mánudag.
Björn Snæbjörnsson, formaður SGS, sagði að menn hefðu rætt málin en ekkert stórkostlegt gerst á fundinum.
Ríkissáttasemjari varpaði fram hugmynd um að komið yrði á fót tveimur starfshópum til að skoða ýmis mál, starfsmenntun og fleira. Hann mun kalla starfshópana til fundar.
Allsherjar tólf klukkustunda löng vinnustöðvun SGS á að hefjast á hádegi 30. apríl n.k.