Á Vesturlandi eru vegir að mestu greiðfærir en hálkublettir eru þó m.a. á Vatnaleið, Fróðárheiði og Svínadal, samkvæmt upplýsingum Vegagerðarinnar.
Það er snjóþekja á Klettshálsi, Þröskuldum, Steingrímsfjarðarheiði og á Ströndum en á Vestfjörðum er einnig sumstaðar hálka eða hálkublettir.
Það er éljagangur allvíða á Norðurlandi og þar er því víða nokkur hálka eða snjóþekja. Þæfingur er á Dettifossvegi.
Á Austurlandi er hálka og snjóþekja á Héraði og á fjallvegum en greiðfært er með ströndinni. Öxi er ófær.
Í öðrum landshlutum eru vegir greiðfærir.