Neyslutól á stofuborði í Reykjanesbæ

Lögreglan á Suðurnesjum lagði um helgina hald á fíkniefni í húsnæði í Reykjanesbæ. Megna kannabislykt lagði á móti lögreglumönnum þegar þeir komu á staðinn.

Í stofunni voru nokkrir einstaklingar og fíkniefni og neyslutól lágu á stofuborði. Að auki reyndist einn vera með meint amfetamín í fórum sínum.

Þá hafði lögregla afskipti af tveimur ökumönnum vegna gruns um fíkniefnaakstur. Annar þeirra játaði neyslu og sýnatökur á lögreglustöð staðfestu neyslu hins ökumannsins.

• Blogga um frétt