Vegir eru greiðfærir að heita má um allt sunnanvert landið. Hvassviðri er á Kjalarnesi og undir Hafnarfjalli.
Á Vesturlandi eru flestir vegir greiðfærir en eitthvað er um hálkubletti. Hálka og skafrenningur er á Holtavörðuheiði og í Svínadal. Snjóþekja og skafrenningur er á Bröttubrekku en Fróðárheiði er ófær og þar er stórhríð.
Hálka eða snjóþekja er á flestum leiðum á Vestfjörðum. Þæfingsfærð er í Ísafjarðardjúpi. Ófært er á Klettshálsi og Steingrímsfjarðarheiði en mokstur er hafinn. Ófært er norður í Árneshrepp.
Það er víða hálka, snjóþekja, skafrenningur og éljagangur á Norðurlandi.
Snjóþekja er á Öxnadalsheiði. Ófært er á Hólasandi og í Hófaskarði og þæfingsfærð um Tjörnes. Búið er að opna Mývatns- og Möðrudalsöræfi en þæfingur er á Hárekstaðaleið og á Vopnafjarðarheiði.
Á Austurlandi er hálka, snjóþekja og víða skafrenningur. Þæfingsfærð er á Fjarðarheiði og einbreitt á köflum en mokstur stendur yfir. Þæfingsfærð er á Vatnsskarði eystra. Snjóþekja og skafrenningur er á Fagradal og hálka og skafrenningur á Oddsskarði. Öxi og Breiðdalsheiði eru ófærar.
Greiðfært er með suðausturströndinni en nokkuð hvasst og sandfok á Skeiðarársandi.