Rannsókn lögreglu á meintu kynferðisbroti, annars vegar í Grímsey og hins vegar í Reykjavík, gengur vel og reiknað er með því að málið verði sent til ríkissaksóknara í byrjun maí. Málinu hafði verið vísað til ríkissaksóknara en embættið sendi það aftur til lögreglunnar í febrúar til frekari rannsóknar.
Meintur þolandi er ung kona sem kærði mann á sjötugsaldri fyrir ítrekuð kynferðisbrot gegn sér þegar hún var 14-17 ára gömul. Hún kærði brotið til lögreglu síðla árs 2014 en í opnuviðtali við Akureyri vikublað í janúar síðastliðnum sagði hún sögu sína. Meintur gerandi í málinu lýsir þó yfir sakleysi.