„Það er nú ósköp lítið hægt að segja því það gekk ekki neitt,“ segir Gunnar Björnsson, formaður samninganefndar ríkisins, aðspurður hvernig gekk á fundi samninganefndarinnar og samninganefndar BHM hjá Ríkissáttasemjara í dag.
„Okkar afstaða er óbreytt og það var eitthvað sem þau töldu að væri ekki nóg,“ segir Gunnar. Spurður um tilkynningu sem BHM sendi út fyrr í dag þar sem m.a. kom fram að samninganefndin ætti næsta leik í viðræðunum segir Gunnar að það sé nú yfirleitt þannig. „En það þarf samt alltaf tvo til að semja.“