Tillögur minnihlutaflokkanna í borgarstjórn Reykjavíkur um að framkvæmdir á svæði Valsmanna á Hlíðarenda við Reykjavíkurflugvöll yrðu stöðvaðar voru felldar á borgarstjórnarfundi í gær.

Borgarfulltrúar Sjálfstæðisflokks vildu að framkvæmdaleyfi til Valsmanna yrði dregið til baka tímabundið eða þar til fyrirvarar sem innanríkisráðuneytið setti væru uppfylltir, það er að Samgöngustofa hefði lokið umfjöllun sinni um möguleg áhrif lokunar neyðarbrautar flugvallarins og að niðurstaða svonefndrar Rögnunefndar lægi fyrir.

„Bent er á að uppbygging á Valssvæðinu sé óheimil með vísan til laga um loftferðir,“ sagði í tillögu Sjálfstæðisflokksins.

Tengdar fréttir

Reykjavíkurflugvöllur

Borgin bíður eftir skýrslunni

• Vilja falla frá áformum um flugvöll í Hvassahrauni
• Áforma átak í íbúðabyggingum í Reykjavík
• Flugvöllur í Vatnsmýri næstu áratugina
• Hvassahraun er enn til skoðunar

» Fleiri tengdar fréttir