Líf á markaði þrátt fyrir verkfall

Þrátt fyrir að hundruð kaupsamninga bíði þinglýsingar hjá sýslumanninum á höfuðborgarsvæðinu er mikið líf á fasteignamarkaði að sögn Sverris Kristinssonar hjá Eignamiðlun.

Segir hann seljendur og kaupendur sýna mikla þolinmæði þó ekki sé hægt að ganga endanlega frá málum hjá sýslumanni.

Engu hefur verið þinglýst þar frá 1. apríl síðastliðnum, að því er fram kemur í umfjöllun um fasteignamarkaðinn í ViðskiptaMogganum í dag.