Félagsmenn í Félagi íslenskra hjúkrunarfræðinga samþykktu verkfallsboðun hjá þeim hjúkrunarfræðingum sem starfa samkvæmt kjarasamningi félagsins. 76,28% félagsmanna tóku þátt og voru 90,65% fylgjandi verkfallsboðuninni.
Hafi samningar ekki tekist á miðnætti 27. maí nk. hefst ótímabundið verkfall rúmlega tvö þúsund hjúkrunarfræðinga.
Landlæknir lét hafa það eftir sér um helgina að ef til verkfalls kæmi færi ástandið í heilbigðiskerfinu algjörlega úr böndunum.