Í sömu fötunum í mánuð

Júlíanna Ósk klæðist sömu fötunum í mánuð.
Júlíanna Ósk klæðist sömu fötunum í mánuð. ljósmynd/Úr einkasafni

„Hugsunin er sú að kaupa minna og nota það meira, því það er virkilega orðið of mikið af öllu í heiminum,“ segir Júlíanna Ósk Hafberg fatahönnunarnemi, sem á dögunum ákvað að gera tilraun til þess að ganga í sömu fötunum í mánuð.

Hugmyndin kviknaði hjá Júlíönnu eftir að hún fór að fylgjast með fólki sem lifir svokölluðum ómenguðum lífstíl (e. zero waste lifestyle). Fólk sem lifir eftir því hendir engu og kaupir ekkert í umbúðum. Er það yfirleitt ekki með rusl á heimilinu, og reynir þannig að sporna gegn ruslmengun í heiminum.

Breytt viðhorf í fatahönnun

„Mér fannst þetta mjög áhugavert því ég hugsa mikið um þau áhrif sem við höfum á jörðina og þá sérstaklega eftir að ég byrjaði í fatahönnun,“ segir Júlíanna og bætir við að viðhorf hennar hafi breyst þegar hún varð meðvitaðri um það hversu mikið af efnum og vatni fer í föt sem framleidd eru. Eftirspurnin sé þó alltaf mikið og þar af leiðandi sé gríðarlega mikið framleitt.

Eftir að hafa lesið grein um konu í Bandaríkjunum sem klæddist alltaf sömu fötunum í vinnunni, vegna pressu um faglegan klæðaburð á vinnustað, ákvað Júlíanna að fara sína eigin leið. „Þetta var smá innblástur fyrir mig en ég er ekki í vinnu svo mig langaði að prófa þetta bara yfir höfuð,“ segir hún. 

Vildi að fólk tæki eftir því að hún væri í því sama

Júlíanna stundar nám við Listaháskóla Íslands en er nú í skiptinámi í bænum Kolding í Danmörku. Í ferð sinni til Kaupmannahafnar á dögunum ákvað hún svo að kaupa tvö sett af buxum og skyrtum og fór svo af stað með tilraunina á mánudaginn í síðustu viku. Ástæða þess að Júlíanna ákvað að kaupa fötin en nota ekki föt sem hún átti fyrir var sú að hún þurfti tvö sett til að geta þvegið þau á milli og skipt. Jakka, peysu og skó sem hún notar við átti hún þó fyrir.

„Það að kaupa fötin var það sem skipti minnstu máli fyrir mig, ég vissi að ég vildi að þetta væri ekki alveg svart því ég vildi að fólk myndi taka eftir því að ég væri alltaf í því sama,“ segir hún. Fötin þvær hún öll í höndunum, enda segir hún það algjöra vatnseyðslu að þvo þau í þvottavél.

Hefur verið líkt við Steve Jobs og Einstein

Júlíanna segir fyrstu vikuna hafa gengið vonum framar. „Þetta er búið að vera frábært og algjör snilld. Ég finn ekkert fyrir því að ég sé alltaf í því sama og er ekkert meðvituð um það svo það truflar mig ekkert,“ segir hún og heldur áfram. „Mér líður ótrúlega vel með þetta og betur ef eitthvað er. Það er alltaf svo mikil pressa að maður setji hlutina mismunandi saman og sé töff og kúl en það er bara í hausnum á manni. Það er óskrifuð regla sem allir halda að þeir þurfi að fylgja en ég hef komist að því að það er alls ekkert þannig.“

Júlíanna segist hafa fengið afar góð viðbrögð frá fólki og margir hafi sagt henni að þeir vilji prófa þetta líka. „Mér finnst það ótrúlega gaman. Ég gerði þetta fyrst og fremst fyrir mig en ef maður getur haft áhrif út á við þá er það æðislegt.“ Þá hefur henni verið líkt við Steve Jobs og Einstein sem báðir gengu yfirleitt í sömu fötunum, en sumir virðast þó hafa áhyggjur af því að hún þvoi fötin ekki inn á milli.

Þægilegt að þurfa ekki að skipta um föt

Síðustu vikuna hefur Júlíanna farið á ýmsa ólíka viðburði þar sem fólk er misjafnlega fínt klætt, en alltaf hefur hún verið í sömu fötunum. „Á föstudaginn vorum við með matarboð og fórum svo í bæinn en ég var bara algjörlega í öllu því sama. Ég fann ekkert fyrir því að ég væri ekki fín og leið ótrúlega vel. Svo var líka svo þægilegt að þurfa ekki að fara heim og skipta, ég setti bara á mig varalit og það var ekkert vesen.“

Í vikunni fór hún einnig í fermingu hjá frænda sínum á Jótlandi og segist ekki hafa fundið fyrir breytingu þar heldur. Þá hafi það verið afar þægilegt að þurfa ekki að pakka neinu ofan í tösku og geta ferðast léttar en nokkru sinni. 

Vill ekki falla í gildruna sem tískuheimurinn er 

Júlíanna segir það hafa breytt viðhorfum sínum mikið að prófa að lifa minimalísku lífi, en það kalli fram viljastyrk og einbeitni að sýna hver hún er og hvað hún vill með eins fáum hlutum og mögulegt er. 

„Það eru allir svo mikið að keppast um að sýna sinn eigin stíl og hver þau eru með því að vera alltaf í einhverju nýju og flottu, en að vita hver þú ert og vera með sértækari stíl sýnir miklu meiri styrkleika. Fólk virkar sjálfstraustara ef það veit hvað það vill í stað þess að fylgja eftir öllum tískustraumunum því þá er það að falla í gildruna sem tískuheimurinn er,“ segir hún og hlær að þversögninni í því að vera nemi í fatahönnun en hafa slík viðhorf við tískuheiminum. „Maður er bara svo ótrúlega litaður af þessum stóru fyrirtækjum. Þetta snýst allt um peninga, þau búa til trend til að búa til meiri peninga og svo fellur maður í þessa gildru.“

Óþarfi að eiga fimmtíu hálsmen

Júlíanna segist vera farin að hugsa öðruvísi og tilraunin hafi breytt hugsanahætti hennar til frambúðar. „Maður er svo mikið að hafa áhyggjur af þessu þegar maður er að fara eitthvert en þetta er bara að angra mann sjálfan og hefur ekki áhrif á neinn annan. Maður er bara sjálfur að gera sér þetta og það eru allir með sömu hugsanir um sjálfa sig,“ segir hún. „Maður þarf ekki að eiga allt. Maður þarf ekki að eiga þrjátíu varaliti, fimmtán naglalökk og fimmtíu hálsmen. Ég sé það svo mikið núna hvað það er fráleitt.

Þá segir hún ýmislegt hafa komið sér á óvart í ferlinu. „Í fyrsta skipti sem ég þvoði fötin í vaskinum kom það mér til dæmis á óvart hversu mikill litur kom úr buxunum. Vatnið var dökkbrúnt af lit og ég skipti um vatn fimm sinnum. Ég veit að það er fullt af efnum í fötum enda læri ég um það í skólanum en hingað til hef ég ekki alltaf þvegið föt þegar ég kaupi þau. Þarna sá ég hins vegar hversu mikið af efnum liggja í fötunum okkar og ég var búin að vera í þeim. Húðin okkar er mjög viðkvæm fyrir þessu og tekur inn fullt af efnum án þess að við gerum okkur grein fyrir því.

Allir hefðu gott af því að prófa

Júlíanna segist jafnvel tilbúin að halda áfram að ganga í sömu fötunum eftir mánuðinn. „Þetta er svo ótrúlega frelsandi og ég hef verið algjörlega frelsuð frá þessari hugsun og þarf ekki að pæla í þessu.“ Þá segist hún jafnvel farin að hugsa um það hversu fínt væri að ferðast í sumar ef hún þyrfti ekki að pakka jafnmiklu og venjulega, og jafnvel væri hún tilbúin að klæðast sömu fötunum í skólanum á Íslandi í haust. 

„Ég held að allir hefðu gott af því að prófa þetta. Maður gerir sér svo mikið grein fyrir því hvað maður þarf og þarf ekki. Það er offramleiðsla því fólk er endalaust að kaupa og það hefur vond áhrif á jörðina og okkur þó við kjósum að hugsa ekki um það. Þetta mun hafa mikil áhrif á það hvernig ég hugsa framvegis.

Hér má fylgjast með tilraun Júlíönnu á bloggsíðu hennar og hér má fylgjast með henni á Instagram.

Júlíanna þarf ekki að hafa hausverk yfir því hverju hún ...
Júlíanna þarf ekki að hafa hausverk yfir því hverju hún klæðist næsta mánuðinn. ljósmynd/Júlíanna Ósk
Júlíanna segir viðhorf sín hafa breyst mikið, og henni líði ...
Júlíanna segir viðhorf sín hafa breyst mikið, og henni líði afar vel með tilraunina. ljósmynd/Úr einkasafni
Júlíanna fór í fermingu í vikunni þar sem hún klæddist ...
Júlíanna fór í fermingu í vikunni þar sem hún klæddist fötunum. Móðir hennar var þó heldur hátíðlegri í klæðaburði. ljósmynd/Úr einkasafni
mbl.is

Bloggað um fréttina

Innlent »

Línur að skýrast hjá VG

17:36 Samþykkt var einróma tillaga stjórnar kjördæmaráðs VG í Norðvesturkjördæmi í dag að stilla upp á lista flokksins í kjördæminu fyrir komandi kosningar. Meira »

Fundinum ætla að „kveikja elda“

17:35 Þessum fundi er ætlað að kveikja elda, sagði Pétur Markan, sveitarstjóri Súðavíkurhrepps og formaður Fjórðungssambands Vestfirðinga, við upphaf íbúafundar á Ísafirði í dag. Á fundinum var lögð áhersla á þrjú mál: Raforkuöryggi, samgöngur og sjókvíaeldi en öll eru þau mikið í deiglunni þessa dagana. Meira »

Óskar Sigmundi velfarnaðar

16:12 „Það var niðurstaða fundarins að farið yrði í uppstillingu. Það var mikill meirihluti fundarmanna sem vildi það,“ segir Þórunn Egilsdóttir, þingflokksformaður Framsóknarflokksins, um fund kjördæmisráðs flokksins í Norðausturkjördæmi sem lauk fyrir stundu. Meira »

Ekki verið yfirheyrður um helgina

16:10 Erlendur karlmaður á fertugsaldri sem grunaður er um að hafa veitt konu á fimmtugsaldri áverka á Hagamel á fimmtudagskvöld, sem leiddu til dauða hennar, hefur ekki verið yfirheyrður um helgina. Grímur Grímsson yfirlögregluþjónn vill ekki gefa upp hvort játning liggi fyrir í málinu. Meira »

Vestfirðingum gæti fjölgað um 900

15:50 Yrði 25 þúsund tonna laxeldi leyft við Ísafjarðardjúp gæti það skapað 260 ný störf á um áratug og um 150 afleidd störf til viðbótar. KPMG telur að íbúaþróun myndi snúast við og áætlar að fjölga myndi um 900 manns í sveitarfélögunum við Djúp á sama tíma og bein störf ná hámarki. Meira »

Íslendingar í eldlínunni í Barcelona

15:49 Reykjavík er heiðursgestur á listahátíðinni La Merce sem fram fer í Barcelona nú um helgina. Hópur íslenskra listamanna er samankominn í borginni ásamt starfsmönnum menningarsviðs Reykjavíkurborgar. Meira »

Stillt upp hjá Sjálfstæðismönnum

14:07 Bjarni Benediktsson, formaður Sjálfstæðisflokksins, á ekki von á að prófkjör verði haldin til að ákvarða röðun á framboðslistum flokksins fyrir kosningarnar í næsta mánuði. Þess í stað verði stillt upp á lista. Meira »

Framsókn í Norðaustur stillir upp á lista

14:39 Framsóknarmenn í Norðausturkjördæmi höfnuðu rétt í þessu tillögu stjórnar um að velja frambjóðendur á lista með tvöföldu kjördæmisþingi, líkt og gert verður í Norðvesturkjördæmi, að fram kemur á vef RÚV. Ákveðið var að stilla frekar upp á lista. Meira »

Íbúafundur á Ísafirði í beinni

13:43 Sveitarfélögin á Vestfjörðum boða ásamt Fjórðungssambandi Vestfirðinga og Verkalýðsfélagi Vestfirðinga til borgarafundar í íþróttahúsinu á Ísafirði kl. 14 í dag. Hægt er að fylgjast með fundinum í beinni. Meira »

Lífið er gott á Nýja-Sjálandi

13:36 Ljósmyndarinn Rúna Lind Kristjónsdóttir flutti ásamt eiginmanni sínum, Arana Kuru, til Nýja-Sjálands árið 2009. Dvölin átti ekki að vera löng en nú átta árum síðar eru þau enn á Nýja-Sjálandi og segist Rúna ekki vera á leiðinni heim. Í það minnsta ekki á næstu árum en hún og maður hennar eru skógarbændur og ásamt því að sjá um heimilis- og fyrirtækjabókhaldið er Rúna alltaf með myndavélina til taks. Meira »

Sigurður: „Fyrst og fremst dap­ur­legt“

13:18 Sigurður Ingi Jóhannsson, formaður Framsóknarflokksins, segir ákvörðun Sigmundar Davíðs forvera síns um að segja sig úr Framsóknarflokknum hafa komið á óvart, en þó ekki algjörlega. Meira »

Líf er því miður ekki sama og líf

12:45 Eymundur Eymundsson þjáðist frá unga aldri af miklum kvíða og síðar félagsfælni. Eftir að hann áttaði sig á því hvers kyns var, 38 ára gamall, hefur Eymundur unnið ötullega að því að aðstoða fólk með geðraskanir og sinna forvörnum. Meira »

Sigmundur Davíð hættir í Framsókn

12:11 Sigmundur Davíð Gunnlaugsson, þingmaður Framsóknaflokksins og fyrrverandi forsætisráðherra, hefur sagt skilið við Framsóknarflokkinn og hyggst vinna að myndun stjórnmálaafls fyrir kosningar. Hann greinir frá þessu í langri færslu á heimasíðu sinni. Meira »

Yfir 80 milljónir hafa safnast í átakinu

10:26 Yfir 80 milljónir króna hafa safnast í átakinu Á allra vörum í samnefndum söfnunarþáttum á Rás 2 í gærdag og á RÚV í gærkvöldi, og með sölu á varasnyrtivörusettum með sama nafni síðustu daga. Ágóðinn rennur til byggingar nýs húsnæðis fyrir Kvennaathvarfið. Meira »

Kokkur ársins krýndur í Hörpu

08:40 Hafsteinn Ólafsson, matreiðslumaður á Sumac Grill + Drinks, hlaut í gærkvöldi hinn eftirsótta titil Kokkur ársins 2017 eftir harða baráttu, en naumt var á munum á milli efstu manna. Keppnin fór fram fyrir fullum sal í Hörpu þar sem fjöldi gesta fylgdist með kokkunum töfra fram keppnismáltíðina. Meira »

Varð loksins frjáls manneskja

10:40 Líkt og margir aðrir flóttamenn sem hingað hafa komið vissi Zahra Mesbah sayed Ali ekkert um Ísland áður en hún kom hingað en neyðin rak fjölskylduna áfram. Hún segir helstu breytinguna á hennar lífi vera þá að hér öðlaðist hún sjálfstæði og réttindi. „Ég átti hvergi heima fyrr en ég kom hingað.“ Meira »

Ný meðferðarstöð SÁÁ er bylting

09:40 Ný meðferðarstöð SÁÁ í Vík á Kjalarnesi mun gjörbylta aðstöðu til áfengis- og vímuefnameðferðar hér á landi. Nýja aðstaðan gefur skjólstæðingum samtakanna mun meira persónulegt rými en áður hefur verið í boði. mbl.is fékk að kíkja á húsnæðið sem er óðum að verða tilbúið. Meira »

Hvasst og vætusamt veður

08:18 Spáð er stormi á miðhálendinu, en einnig við norðausturströndina um tíma í dag og við suðurströndina annað kvöld. Búast má við mikilli rigningu á Suðausturlandi og á Austfjörðum fram eftir degi, en dregur síðan úr vætunni. Meira »
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Nissan Leaf útsala!
Nissan Leaf útsala! 2015 bílar, eknir milli 20 og 35 þús. Nokkrir litir. Allir m...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
 
L edda 6017091919 i fjhst
Félagsstarf
? EDDA 6017091919 I Fjhst Mynd af au...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...
Framhaldssala
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...