Hætta á fækkun smærri fyrirtækja

Landssamband smábátaeigenda heldur því fram að verði frumvarp um veiðigjöld, sem nú er til meðferðar á Alþingi, óbreytt að lögum sé hætta á aukinni samþjöppun og fækkun smærri fyrirtækja.

Boðuð sé mikil hækkun í þeim tegundum sem eru undirstaða að veiðum smábáta, að því er fram kemur í Morgunblaðinu í dag.

Verði ekki gripið til breytinga á frumvarpinu munu verða til gríðarlegir erfiðleikar meðal smábátaeigenda, segir sambandið.