Stjórn Bændasamtaka Íslands klofnaði í afstöðunni til aðferða við innflutning holdanautasæðis frá Noregi.
Í frumvarpinu er opnað á þann möguleika að nota innflutt holdanautasæði fyrir kýr á sérvöldum búum og selja gripina þaðan þegar héraðsdýralæknir heimilar.
Þetta fyrirkomulag styður stjórn Landssambands kúabænda og kúabændur í stjórn BÍ. Meirihluti stjórnar BÍ styður hins vegar tillögur um að nota sæðið á sérstakri sóttvarnarstöð, að því er fram kemur í fréttaskýringu um mál þetta í Morgunblaðinu í dag.