Veðurstofa Íslands varar stormi, meðalvindi meira en 20 m/s, á norðanverðu Snæfellsnesi í nótt og til fyrramáls.
Frétt mbl.is: Sólarlítið og vætusamt um helgina
Veðurhorfur á öllu landinu næsta sólarhringinn eru þessar:
Hæg breytileg átt og víða léttskýjað, en norðvestan 8-13 m/s og skúrir eða él norðaustanlands framan af degi, en lægir síðan og rofar til. Gengur í suðaustan 10-18 með rigningu á Suður- og Vestur-landi seint í kvöld, en sunnan 5-13 í fyrramálið og víða rigning, úrkomulítið austanlands. Hiti víða 5 til 13 stig í dag, hlýjast suðaustanlands, en hlýjast norðaustantil á morgun.
Veðrið á höfuðborgarsvæðinu næsta sólarhringinn:
Hægir vindar og bjartviðri, en gengur í suðaustan 10-15 m/s með rigningu um miðnætti. Hiti 6 til 11 stig. Sunnan 5-10 á morgun, dálítil væta og hiti 6 til 9 stig.