Ekki hafa fengist niðurstöður í kjaradeilurnar en þó eru viðræður komnar á það stig að Samtök atvinnulífsins vinna nú að bókun vegna tillögu samtakanna um vinnutímabreytingu. Bókunin yrði gerð ásamt Starfsgreinasambandinu, iðnaðarmönnum og verslunarmönnum.

Hnútar eru víða í viðræðum. Innan raða ASÍ hefur ekki verið eining um hverjar kaupkröfurnar eru. Aftur á móti virðast félög innan ASÍ sammála um að ekki komi til greina að afgreiða breytingar á vinnutímaákvæðum SA sem hluta af kjarasamningum að svo stöddu en þær megi útfæra og vinna að hugmyndum í vinnuhópum fram á næsta ár.

Það eru Samtök atvinnulífsins reiðubúin að skoða nánar og útfæra með athugasemdir ASÍ-félaga til hliðsjónar um að tillaga á borð við vinnutímabreytinguna þurfi lengri aðdraganda því um flókna kerfisbreytingu sé að ræða, að því er fram kemur í umfjöllun um kjaraviðræðurnar í Morgunblaðinu í dag.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir