Haftafrumvörp að verða tilbúin

Bjarni Benediktsson fjármálaráðherra.
Bjarni Benediktsson fjármálaráðherra. mbl.is/Þórður

Bjarni Benediktsson fjármálaráðherra bindur vonir sínar við að frumvörp um losun gjaldeyrishafta verði kynnt ríkisstjórninni í lok vikunnar.

„Ég ætla ekki að koma með þau fyrr en þau eru fullkláruð. Þetta er mikill yfirlestur og í mörg horn að líta. Það eru mörg smáatriðin sem þarf að líta yfir,“ sagði Bjarni eftir ríkisstjórnarfund í hádeginu í dag. Frumvörpin voru ekki til umræðu á fundinum.

Hann sagðist vera tregur til að lofa ákveðnum dagsetningum í þessum efnum. „Ég hef lengi vonað að það gæti gerst í þessari viku og ég er ekki búinn að gefa þá von upp á bátinn.“

Frumvörpin eru enn í lokayfirlestri í fjármálaráðuneytinu.

mbl.is
Fleira áhugavert
Fleira áhugavert