Veðurstofan vekur athygli á því að víða á norðanverðum Vestfjörðum og á Norðurlandi, einkum vestatil, kemur til með að snjóa í kvöld og nótt.
Einkum mun snjóa á fjallvegum, þar sem einnig getur fokið í skafla. Á láglendi verður einnig krapi eða snjóföl þegar kólnar enn frekar undir nóttina.
Samkvæmt upplýsingum frá Vegagerðinni eru allar helstu leiðir á landinu greiðfærar en það er krapi á Dynjandisheiði og hálkublettir og skafrenningur á Hrafnseyrarheiði.