Maður sem lenti í bifhjólaslysi í Hvítársíðu í Borgarfirði á mánudaginn og karl og kona sem lentu í bílslysi við Hellissand í gærmorgun eru öll mjög þungt haldin og haldið í öndunarvél á gjörgæslu Landspítalans í Fossvogi.
Í báðum tilvikum var um erlenda ferðamenn að ræða. Í borgarfirði var maðurinn á ferð með konu sinni þegar hjólið fór út af veginum með fyrrnefndum afleiðingum. Konan var ekki alvarlega slösuð.
Í slysinu við Hellissand voru sex í jeppanum sem fór út af veginum og valt. Þrír voru fluttir með sjúkrabíl á sjúkrahús í Reykjavík, en einn reyndist ekki alvarlega slasaður.
Frétt mbl.is: Alvarlegt slys í Borgarfirði
Frétt mbl.is: Haldið sofandi í öndunarvél
Frétt mbl.is: Tveir alvarlega slasaðir
Frétt mbl.is: Haldið sofandi á Landspítala