Maður sem lenti í bifhjólaslysi í Hvítársíðu í Borgarfirði á mánudaginn og kona sem lenti í bílslysi við Hellissand á fimmtudagsmorgun eru enn mjög þungt haldin og er haldið í öndunarvél á gjörgæslu Landspítalans í Fossvogi.
Í báðum tilvikum var um erlenda ferðamenn að ræða. Í Borgarfirði var maðurinn á ferð með konu sinni þegar hjólið fór út af veginum með fyrrnefndum afleiðingum. Konan var ekki alvarlega slösuð.
Í slysinu við Hellissand voru sex ferðamenn í bílnum sem valt. Slösuðust tveir alvarlega og var flogið með þá til Reykjavíkur í þyrlu Landhelgisgæslunnar. Hinn ferðamaðurinn sem slasaðist, kínverskur karlmaður á fertugsaldri, lést á föstudag.
Frétt mbl.is: Lést eftir umferðarslys
Frétt mbl.is: Þungt haldin á gjörgæslu
Frétt mbl.is: Alvarlegt slys í Borgarfirði
Frétt mbl.is: Haldið sofandi í öndunarvél