Píratar stærstir í 5 af 6 kjördæmum

Píratar væru stærstir í 5 af 6 kjördæmum Íslands ef niðurstöður kosninga væru í takt við Þjóðarpúls Gallup. Þetta kom fram í tíufréttum RÚV. Í Þjóðarpúlsinum segjast 34,1% aðspurðra myndu kjósa Pírata. Það er meira en samanlagt fylgi stjórnarflokkanna tveggja.

Framsóknarflokkurinn fengi 8,9% fylgi, og hefur ekki mælst með minna fylgi síðan Sigmundur Davíð Gunnlaugsson tók við formennsku í flokknum í ársbyrjun 2009.

Sjálfstæðisflokkurinn mælist með 23% og Samfylkingin 12,4%. Vinstri græn mælast með 9,8%. Björt Framtíð með 7,4% en Píratar með 34,1%. Það er meira en samanlagt fylgi stjórnarflokkanna tveggja.

Á vef RÚV segir að ef þetta yrðu niðurstöður kosninga skiptust þingmenn þannig milli flokka að Píratar fengju 24 þingmenn, Sjálfstæðisflokkurinn 15, Samfylkingin 8 og Vinstri græn 6 en Framsóknarflokkur og Björt framtíð fengju hvor sína 5 þingmenn. 

Fréttastofa fékk Gallup til að reikna út fylgi við flokka í kjördæmum. Þær upplýsingar eru birtar með þeim fyrirvara að þar sem svörin eru mun færri en í könnuninni á landsvísu eru vikmörkin hærri.

Píratar mælast stærstir í öllum kjördæmum nema norðvesturkjördæmi.

Nánar á vef RÚV

• 4 blogg um fréttina

Bloggað um fréttina

• Ómar Bjarki Kristjánsson: Ríkisstjórnin hefur misst allt umboð bæði í borg og sveit.
• Kristin stjórnmálasamtök: Valkosturinn er til (annar en Píratar) ef rétta fólkið hefur …
• Óðinn Þórisson: Ríkissjórnin þarf að koma sínum góðu verkum betur til skila
• sleggjuhvellur: Vinstri flokkur