Endurupptökunefnd hafa borist umsagnir Davíðs Þórs Björgvinssonar, setts ríkissaksóknara í Guðmundar- og Geirfinnsmálinu, um endurupptökubeiðnir Erlu Bolladóttur og Guðjóns Skarphéðinssonar. Þetta staðfesti Björn L. Bergsson, formaður nefndarinnar, við mbl.is rétt í þessu.

Lögmaður beggja fær umsagnirnar afhentar samstundis og munu skjólstæðingar hans fá tækifæri til að fara yfir þær og taka afstöðu til þeirra. Björn segist gera ráð fyrir að þeir fái til þess frest út sumarið, en fresturinn hefur ekki verið ákveðinn upp á dag.

Þrjár aðrar endurupptökubeiðnir hafa verið lagðar fram í Guðmundar- og Geirfinnsmálinu, en þær eru til athugunar hjá settum ríkissaksóknara. Að sögn Björns hefur hann fengið framlengdan frest til 1. júlí til að skila inn umsögnum um þær.

Frétt mbl.is: Skilar umsögn um beiðni Erlu og Guðjóns

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

• Blogga um frétt