„Við þurfum að endurbyggja traust í samskiptum stjórnvalda og vinnumarkaðar. Og það er ekki eitthvað sem hefur gerst á liðnu ári eða liðnum tveimur, fimm árum. Það er miklu lengri saga, áratugalöng saga þar að baki,“ sagði Bjarni Benediktsson fjármálaráðherra á Alþingi í dag.

„Ef við næðum saman um að reyna að taka út ávinninginn sem svigrúm er fyrir í hagkerfinu hægt og rólega, það væri sígandi lukka sem gilti og hún væri best, þá held ég að við næðum miklum árangri. Meginmeinsemdin í dag eins og þetta blasir við mér er sú að vinnumarkaðurinn er allt of tvístraður, hann stendur ekki með stjórnvöldum og efast um að stjórnvöld standi með honum,“ sagði ráðherrann ennfremur.

„Það þarf að endurskrifa algjörlega rammann utan um vinnumarkaðinn á Íslandi og taka höndum saman um að verja lága verðbólgu, ná niður vöxtum og komast að samkomulagi um það hvernig við skiptum svigrúminu sem er til staðar hverju sinni. Við erum enn og aftur í þeim sporum að reyna að taka út meira en innstæða er fyrir.“

Frétt mbl.is: Mildari verðbólguáhrif en útlit var fyrir

Tengdar fréttir

Kjaraviðræður

Aðalsteinn snýr aftur í Karphúsið

• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara
• Jöfnun launa milli markaða forsenda kjarasamninga

» Fleiri tengdar fréttir

• 2 blogg um fréttina

Bloggað um fréttina

• Guðmundur Ásgeirsson: Afnema þarf verðtryggingu neytendalána
• sleggjuhvellur: Lítil og meðalstór fyrirtæki