„Okkur hefur borist erindi um það að samræma sektir en ég held nú að við séum ekkert á þeirri bylgjulengd.“
Þetta segir Ármann Kr. Ólafsson, bæjarstjóri Kópavogs, og vísar í máli sínu til ákvörðunar Bílastæðasjóðs Reykjavíkur þess efnis að hækka gjald vegna stöðubrota úr 5.000 kr. í 10.000 krónur.
„Ég met þetta mál þannig að það sé ekki stemning fyrir þessum hækkunum innan Kópavogs en við erum hins vegar að skoða málið í heild sinni,“ segir Ármann og bendir á að bæjarráð hafi vísað erindinu til bæjarlögmanns til umsagnar.