Lögreglan á höfuðborgarsvæðinu stöðvaði för ökumanns á öðrum tímanum í nótt vegna gruns um akstur undir áhrifum áfengis eða fíkniefna.
Bifreið ökumannsins var stöðvuð á Breiðholtsbraut á öðrum tímanum í nótt en skömmu áður hafði verið tilkynnt um bifreiðina á miklum hraða. Ökumaðurinn er grunaður um akstur undir áhrifum áfengis og fíkniefna. Í ljós kom við athugun að ökumaðurinn reyndist einnig hafa verið sviptur ökuréttindum og hefur ítrekað verið stöðvaður í akstri eftir sviptingu.
Þá var annar ökumaður stöðvaður á Vesturlandsvegi seint í gærkvöldi eftir að hafa mælst á 118 km hraða. Ökumaðurinn er grunaður um akstur bifreiðar undir áhrifum fíkniefna.
Auk þess voru tvö ungmenni handtekin á þriðja tímanum í nótt eftir að hafa verið gripin við veggjakrot í austurborginni við Kringluna. Ungmennin, maður og kona, voru færð á lögreglustöð til skýrslutöku og voru síðan látin laus.