Héraðsdómur Reykjavíkur hafnaði í dag kröfu Samherja og tengdra félaga um að sérstakur saksóknari skilaði gögnum sem lagt var hald á við húsleitir í höfuðstöðvum fyrirtækisins árið 2012. Ekki hefur enn verið gefin út ákæra í málinu sem varðar meint brot á gjaldeyrislögum.

Lagt var hald á töluvert magn gagna í húsleitunum en hluta þeirra hefur þegar verið skilað. Krafa Samherja og fleiri félaga laut að því að fá afganginn af gögnunum til baka. Á meðal forsenda hennar var að rannsókn saksóknara á málinu hafi tekið óeðlilega langan tíma.

Ólafur Þór Hauksson, sérstakur saksóknari, segir að rannsókn málsins sé langt á veg komin en að meðferð þess hjá embættinu sé enn ekki að fullu lokið.

Tengdar fréttir

Húsleit hjá Samherja

Uppljóstrari umboðsmanns hundeltur

• „Hlægilegt en líka grafalvarlegt“
• „Óskiljanlegt að játa aldrei mistök“
• Mistök að hafa ekki haft betra eftirlit
• Rétt að afhenda bréfin

» Fleiri tengdar fréttir

• Blogga um frétt