Tíu ára gömul stúlka féll í sjóinn við Krossanes á tíunda tímanum í gærkvöldi. Lögreglan á Akureyri var kölluð út ásamt sjúkraliði til að bjarga stúlkunni.
Samkvæmt upplýsingum frá lögreglu var stúlkan að leik með yngri vinkonu sinni þegar hún féll í sjóinn. Vinkonan hljóp heim til foreldra sinna til að láta vita hvað hafði gerst en í millitíðinni sáu íbúar á svæðinu stúlkuna í sjónum og komu henni til aðstoðar.
Lögregla kom á svæðið ásamt sjúkrabíl og var stúlkan flutt á sjúkrahúsið á Akureyri til aðhlynningar. Stúlkan var köld og með blóðnasir en að sögn lögreglu er mikið mildi að sjórinn hafi verið stilltur.