Á vefsíðunni skelfir.is er hægt að fylgjast með jarðskjálftum í beinni þegar þeir koma inn í tölvukerfi Veðurstofunnar. Mikil skjálftahrina hefur gengið yfir Reykjaneshrygginn í gærkvöldi og í dag.
„Við getum ekki útilokað að það komi upp kvika og það verði smá gos,“ segir Kristín Jónsdóttir, fagstjóri jarðskjálftavár hjá Veðurstofu Íslands, um jarðskjálftahrinu sem staðið hefur yfir á Reykjanesskaga frá því í gærkvöldi.
Skjálftahrinan hófst um klukkan 21 í gærkvöldi og stendur enn. Stærsti skjálftinn mældist 5 að stærð klukkan 02:25 í nótt en alls hafa á þriðja hundrað skjálftar mælst síðan hrinan hófst. Kristín segir hrinur sem þessa ekki óalgengar á þessu svæði, þar sem flekaskil eru staðsett þar.
Frétt mbl.is: Geta ekki útilokað gos
Frétt mbl.is: Stærsti skjálftinn 5 að stærð
Frétt mbl.is: Tvö hundruð skjálftar mælst