Félag leiðsögumanna og Samtök atvinnulífsins undirrituðu kjarasamning hjá ríkissáttasemjara rétt fyrir kl. 19 í kvöld. Samningurinn gildir til 31. desember 2018.

Snorri Ingason, formaður samninganefndar Félags leiðsögumanna, sagði að samningurinn yrði kynntur félagsmönnum á sunnudagskvöld. Í kjölfarið verður gengið til kosninga um hann, en gert er ráð fyrir að úrslit þeirra muni liggja fyrir um miðjan mánuð.

„Við komumst á veg með hluta þess en ekki allt saman. Það er fleira sem þarf að ræða í samvinnu seinna meir, en eins og staðan er núna getum við verið nokkuð sátt með þær breytingar sem náðust,“ sagði Snorri í samtali við Morgunblaðið. Hann sagðist myndu hvetja félagsmenn til að samþykkja samninginn.

Frétt mbl.is: Leiðsögumenn kjósa um verkfallsboðun

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt