Mikil umferðarteppa hefur skapast á Reykjanesbraut í Hafnarfirði. Lögreglu-, sjúkra- og slökkviliðsbílar standa við Hlíðartorg, hringtorg skammt frá Lækjarskóla, að sögn blaðamanns mbl.is á vettvangi og virðist sem um umferðaróhapp sé að ræða.
Ekki liggja fyrir frekari upplýsingar að svo stöddu en fréttin verður uppfærð.
Uppfært 19:25
Að sögn lögreglu var um bílveltu að ræða. Bíll með ökumanni og tveimur farþegum innanborðs valt á hliðina en komust þeir allir út af sjálfsdáðum. Enginn virðist hafa slasast í slysinu og er litið á það sem minniháttar að sögn lögreglu.