Hafnsögumenn, allir aðrir en hjá Faxaflóahöfnum, eru farnir að undirbúa aðgerðir til að þrýsta á um betri kjör. Er stefnt að aðgerðum í byrjun ágústmánaðar, hafi samningar ekki tekist við sveitarfélögin.
Aðgerðirnar myndu t.d. þýða að ekkert yrði af komum skemmtiferðaskipa til hafna á landsbyggðinni og í Hafnarfirði, að því er fram kemur í umfjöllun um mál þetta í Morgunblaðinu í dag.
Illa hefur gengið í viðræðum Félags skipstjórnarmanna við Samband íslenskra sveitarfélaga. Vilja hafnsögumenn fá svipaðan samning og kollegar þeirra hjá Faxaflóahöfnum eru með.