„Ég vil fá til mín meindýraeyði til þess að leggja á ráðin um hvað hægt sé að gera,“ segir Þórsteinn Ragnarsson, forstjóri Kirkjugarðanna.
Ófremdarástand ríkir í duftgarðinum í Sóllandi austan við Öskjuhlíð, að því er fram kemur í Morgunblaðinu í dag.
Hefur stór hópur gæsa haldið þar til að undanförnu með tilheyrandi sóðaskap. Þá eru gæsirnar einnig sagðar afar herskáar.