Áætlað er að hefja lagningu Fitjalínu 2, 132 kílóvolta (kV) jarðstrengs frá Fitjum til Helguvíkur, í þessari viku.
Framkvæmdir við slóðagerð, þveranir og skurðgröft hófust í maíbyrjun og fyrir helgi voru 18 risakefli með jarðstrengsefni, sem hvert vegur um 17 tonn, flutt með stórum trukkum frá Sundahöfn út á Reykjanes.
Samkvæmt frétt Landsnets sér Ístak um lagningu jarðstrengsins og er miðað við að framkvæmdum verði lokið í septembermánuði næstkomandi, að því er fram kemur í Morgunblaðinu í dag.