Erlenda ferðakonan er látin

Erlendi ferðamaðurinn sem hneig niður við Gullfoss á laugardaginn er látinn. Um var að ræða eldri konu frá Þýskalandi sem glímt hafði við hjartveiki.

Erlendir læknar á vettvangi hófu þegar í stað endurlífgun en ekki reyndist unnt að bjarga konunni sem var úrskurðuð látin á sjúkrahúsi í Reykjavík.

Lögregla og sjúkralið kom á vettvang og flutti þyrla Landhelgisgæslunnar konuna til Reykjavíkur.

Frétt mbl.is: Flutt með þyrlu á bráðamóttöku