Tillaga laganefndar innan Evrópuþingsins gæti gert leyfisskylt að taka myndir af öllum höfundaréttarvörðum verkum á almannafæri.
Víðtæk andstaða er við málið á netinu og hvatt til aðgerða. Afleiðingar löggjafarinnar eru sagðar alvarlegar og snerta bæði atvinnuljósmyndara og almenning.
Í umfjöllun um mál þetta í Morgunblaðinu í dag segir formaður Blaðaljósmyndarafélags Íslands málið „fáránlegt“ og alvarlegt áfall fyrir ljósmyndun gangi löggjöfin í gegn. Flestir sem mundað hafa snjallsíma yrðu lögbrjótar.