Sólheimar í Grímsnesi héldu upp á 85 ára afmæli sitt með pomp og prakt um helgina, í blíðskaparveðri.
Lauslega áætlað komu 400-500 manns saman á svæðinu og samglöddust í tilefni afmælisins en einnig var þess minnst að 30 ár eru liðin frá Íslandsgöngu Reynis Péturs sem talin er marka tímamót í sögu Sólheima.
Guðmundur Ármann Pétursson, framkvæmdastjóri Sólheima, var hæstánægður með daginn sem hann sagði hafa gengið að óskum.